Даляр і еўра падаражэлі на першых таргах лютага
1 лютага на таргах Беларускай валютна-фондавай біржы беларускі рубель знізіўся да далара ЗША і еўра, вырас — да расейскага рубля.
Паводле вынікаў таргоў курс еўра вырас на 0,0178 рубля (0,86%) да 2,0881 рубля.
Курс даляра вырас на 0,0009 рубля (0,05%) і склаў 1,9365 рубля.
Курс расейскага рубля (за 100 адзінак) знізіўся на 0,0111 рубля (0,34%) і склаў 3,2113 беларускага рубля за 100 расійскіх.
У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расейскага рубля складае 50%, даляра ЗША — 30%, еўра — 20%.
Беларускі рубель рэагуе на дынаміку курсу расейскага рубля, якая значна залежыць ад цэн на нафту. Яе каціроўкі застаюцца вышэйшыя за 55 даляраў за бараль Brent.
У Расеі сярэднеўзважаны курс долара да рубля разлікамі „заўтра” на адзінай гандлёвай сесіі ММВБ, на падставе якога ўстанаўліваецца афіцыйны курс Цэнтрабанка, на 11.30 серады вырас на 22,48 капейкі, склаўшы 60,3099 рубля.
