Даляр ЗША і еўра прыкметна падраслі
29 жніўня на таргах Беларускай валютна-фондавай біржы беларускі рубель знізіўся да даляра ЗША і еўра, умацаваўся да расейскага рубля.
Па выніках таргоў курс еўра вырас на 0,0145 рубля (0,60%) і склаў 2,4205 рубля.
Курс даляра ЗША павялічыўся на 0,0149 рубля (0,72%) і склаў 2,0735 рубля.
Курс расейскага рубля знізіўся на 0,0075 рубля (0,25%) і склаў 3,0468 беларускага рубля за 100 расейскіх.
У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расейскага рубля складае 50%, даляра ЗША і еўра — 30 і 20%.
Беларускі рубель рэагуе на дынаміку курсу расейскага рубля, які шмат у чым залежыць ад цэн на нафту. Кошт нафты Brent да поўдня таргуецца ў раёне адзнакі 76 даляраў за бараль.
У Расеі сярэдняўзважаны курс даляра да рубля разлікамі „заўтра” на адзінай гандлёвай сесіі ММВБ, па якім устанаўліваецца афіцыйны курс Цэнтрабанка, на 11.30 вырас на 0,754 рубля і склаў 68,1451 рубля.
belapan.by
