Егіпет перанёс тэрмін падвышэння кошту віз
Міністэрства турызму Егіпта разаслала заяву для прэсы, у якой пацвярджае зробленыя раней заявы пра падвышэнне кошту ўязных віз, паведамляе ТАСС.
24 лютага МЗС Егіпта паведаміў, што новыя тарыфы для турыстаў, якія ўязджаюць у краіну, уступяць у сілу 1 сакавіка. На наступны дзень егіпецкія СМІ напісалі, што пад ціскам турыстычнай супольнасці ўлады адменяць рашэнне пра павышэнне.
Аднак кошт віз ўсё-такі будзе павялічаны. Рашэнне ўступае ў сілу 1 ліпеня 2017 года — за аднаразовую візу трэба будзе заплаціць 60 даляраў (за шматразовую візу — 70 даляраў).
Фота ua-reporter.com
