ЕЗ пачаў дамаўляцца аб столі ценаў на нафтапрадукты з Расеі
У суботу, 28 студзеня, Еўразвяз пачаў перамовы аб увядзенні цэнавай столі на расейскія нафтапрадукты. Аб гэтым піша Bloomberg.
Па ініцыятыве Еўракамісіі ўрады чальцоў ЕЗ вывучаюць прапановы аб тым, каб распаўсюдзіць абмежаванні цэн у памеры $100 за барэль на такія лепшыя экспартуемыя расейскія прадукты перапрацоўкі нафты ў паліва, як дызель, і ў памеры $45 за прадукты, якія рэалізуюцца са скідкай.
Абмежаванні на нафтапрадукты закліканы знізіць даходы Расеі, аднак пры гэтым важна не дапусціць росту цэн на нафтапрадукты або іх недахоп на глабальных рынках, разважаюць крыніцы Bloomberg.
Раней паведамлялася, што краіны G7, ЕЗ і Аўстралія дамовіліся аб механізме абмежавання цэнаў на расейскія нафтапрадукты. Мінфін ЗША прапанаваў дзве столі: на прадукты, якія гандлююцца з прэміяй да нафты, і на прадукты, якія прапануюцца з дысконтам.
