Geely паабяцала зрабіць лятаючыя аўтамабілі рэальнасцю
Кітайская аўтамабілебудаўнічая кампанія Geely абвясціла аб тым, што яна выкупіць ўвесь бізнэс і ўсе актывы амерыканскага стартапа Terrafugia, які распрацоўвае лятаючыя аўтамабілі. Сума здзелкі не паведамляецца.
Geely паабяцала за кошт капіталаўкладанняў у Terrafugia зрабіць лятаючыя аўтамабілі рэальнасцю. Паводле пагаднення, штаб-кватэра Terrafugia застанецца ў ЗША.
Кампанія Terrafugia была заснавана ў 2006 годзе. Яна паставіла задачу вывесці першы лятаючы аўтамабіль на рынак у 2019 годзе, а ў 2023-м – першы ў свеце лятаючы аўтамабіль з вертыкальным узлётам і пасадкай.
Яшчэ да правядзення здзелкі каманда інжынераў Terrafugia ў ЗША, дзякуючы падтрымцы Geely, павялічылася ўтрая за апошні квартал. Як заявіў новы галоўны выканаўчы дырэктар Terrafugia Крыс Джаран, прыярытэт будзе аддадзены пашырэнню навукова-даследчых і разработчых магчымасцяў кампаніі.
Глядзіце таксама
