„Гродна Азот” возьме крэдыт, каб запусціць новы комплекс
Запуск новай вытворчасці азотнай кіслаты ў ААТ „Гродна Азот” павялічыць выручку прадпрыемства на $ 200 млн штогод. Пра гэта падчас наведвання прадпрыемства паведаміў намеснік прэм’ер-міністра Ігар Ляшэнка, паведамляе government.by.
Ігар Ляшэнка азнаёміўся з ходам рэалізацыі праекта па вытворчасці азотнай кіслаты магутнасцю 1,2 тыс. т. у суткі з рэканструкцыяй дзеючай вытворчасці вадкіх азотных угнаенняў (КАС). Увод у эксплуатацыю аб’екта намечаны на канец года.
Распавёў віцэ-прэм’ер і аб планах па прыцягненні сродкаў для будаўніцтва новага азотнага комплексу ў Гародні.
„Задумка наступная: 15% (каля $ 250 млн) гэта ўласныя сродкі ААТ ” Гродна Азот „, астатнія – прыцягнутыя. Адзін з варыянтаў – кітайская крэдытная лінія, прапрацоўваюцца і альтэрнатыўныя магчымасці. У прыватнасці, сродкі кансорцыума беларускіх і расейскіх банкаў”, – адзначыў Ігар Ляшэнка.
Фота Grodnonews.by
