Каб выжыць, трэба 383 рублі ў месяц?
Мінпрацы зацвердзіў мінімальныя спажывецкія бюджэты. У Беларусі з 1 лютага зменяцца памеры мінімальных спажывецкіх бюджэтаў, паведамляецца на сайце Мінпрацы. Напрыклад, МСБ для працаздольнага насельніцтва вырасце на 8,72 рублі – да 383,34 рублёў. Лічыцца, што менавіта столькі грошай трэба на набор прадуктаў і рэчаў для задавальнення базавых патрэбаў аднаго чалавека.
Больш за ўсё павялічыцца МСБ для працаздольнага насельніцтва – на 8,72 рублі, а менш за ўсё – для дзяцей да трох гадоў (на 4,2 рублі).
Сярэднедушавы мінімальны спажывецкі бюджэт маладой сям’і з трох чалавек з 1 лютага вырасце да 323 рублёў 74 капеек. МСБ пенсіянера складзе 301 рубель 45 капеек, а студэнта – 287 рублёў 93 капейкі.
Сярэднедушавыя мінімальныя спажывецкія бюджэты з 1 лютага
Новыя памеры мінімальных спажывецкіх бюджэтаў для розных сацыяльна-дэмаграфічных груп будуць дзейнічаць да 30 красавіка 2017 года.
Фота s-pravdoy.ru
