Кантракты па пастаўках расейскай нафты заключаюцца па $4 за барэль
Нафтаперапрацоўчыя заводы Беларусі пачалі заключаць кантракты з нафтавымі кампаніямі Расеі на пастаўку нафты ў красавіку. Яе кошт у іх – 4 даляра за барэль. Агулам чакаецца пастаўка ў нашу краіну да 2 мільёнаў тон нафты.
У «Белнафтахіме» кажуць, што пытанні выплаты прэмій расейскім пастаўшчыкам урэгулююць «міжбюджэтнымі разлікамі». Як вядома, Беларусь не заключыла дамоў на пастаўкі расейскай нафты ў 2020 годзе, і з 1 студзеня яны былі спынены.
Спачатку былі толькі разавыя пастаўкі нафты з Расеі. Пасля пачалі паступаць партыі нафты па альтэрнатыўных каналах – праз Літву (нарвежскай і расейскай, купленай у трэйдараў) і Украіну. У канцы сакавіка пасля тэлефоннай размовы з расейскім прэм’ерам Міхаілам Мішусціным беларускі прэмʼер-міністр Сяргей Румас заявіў, што расейскія нафтавыя кампаніі будуць пастаўляць нафту без прэміі. Паводле яго слоў, частку яе расейскі ўрад збіраецца кампенсаваць за кошт міжбюджэтных разлікаў.
Беларускае Радыё Рацыя
Глядзіце таксама
