Кіраўнік Мінфіна анансаваў падвышэнне заробкаў апераджальнымі тэмпамі
Кіраўнік Міністэрства фінансаў анансаваў падвышэнне заробкаў апераджальнымі тэмпамі. У 2020 годзе сярэдні заробак бюджэтніка перавысіць 920 рублёў. Такія дадзеныя агучыў міністр фінансаў Максім Ермаловіч у Савеце Рэспублікі.
Па словах міністра, заработная плата ў бюджэтнай сферы будзе штомесяц павялічвацца ў сярэднім на 80 рублёў у параўнанні з сярэдняй заработнай платай бягучага года, удакладнілі ў прэс-службе ўрада. Апераджальнымі тэмпамі будуць падвышаць зарплату ў ахове здароўя, ёсць планы па павелічэнні заробкаў у сферы адукацыі. Як адзначыў Ермаловіч, неабходна падцягваць і нізкааплатныя катэгорыі насельніцтва, якія атрымліваюць параўнальна нізкія заробкі.
Беларускае Радыё Рацыя
Фота БелТА
