Курсы даляра і еўра знізіліся нязначна
Беларускі рубель на валютных таргах Беларускай валютна-фондавай біржы 2 сакавіка ўмацаваўся да даляра ЗША і еўра.
Паводле даных біржы, курс даляра ЗША знізіўся на 2 рублі (0%) да 21.275 рублёў.
Курс еўра знізіўся на 33 рублі (0,14%) да 23.094 рублёў.
Расейскі рубель вырас на 1,08 рубля (0,38%) да 288,85 рубля.
У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расейскага рубля складае 40%, а долі даляра ЗША і еўра – 30% кожная.
Беларускі рубель умацоўваецца да даляра і еўра следам за расейскім, на які ў сваю чаргу ўплывае сітуацыя з нафтай на сусветным рынку.
Сярэдняўзважаны курс даляра да рубля разлікамі „заўтра” на ММВБ, па якім устанаўліваецца афіцыйны курс Цэнтрабанка, да 11.30 серады знізіўся на 42,8 капейкі.
