На Гарадзеншчыне расце колькасць беспрацоўных
На Гарадзеншчыне колькасць звольненых з працы істотна перавышае колькасць працаўладкаваных, прычым розніца штомесяц павялічваецца ў адмоўны бок і складае ў сярэднім паўтары тысячы чалавек.
(Фота tut.by)
Кепская сітуацыя з занятасцю насельніцтва спрыяе не толькі росту беспрацоўя, але і істотнаму пагаршэнню сацыяльна-эканамічных умоў жыхароў Прынёмання.
Гэта па словах старшыні Беларускага кангрэса дэмакратычных прафсаюзаў Аляксандра Ярашука яскрава адлюстроўвае памылкі дзейнага кіраўніцтва краіны:
– Самае дрэннае, што і наперадзе ніякай перспектывы занятасці мы не назіраем. Беларусь уступае ў новы этап свайго існавання сваёй гісторыі, які характарызуецца поўнай непрадказальнасцю таго, што будзе.
Найбольш складана сітуацыя з занятасцю насельніцтва на Гарадзеншчыне выглядае ў прамысловасці, будаўніцтве і сельскай гаспадарцы, дзе штомесяц колькасць звольненых амаль у два разы перавышае колькасць прынятых на працу.
Беларускае Радыё Рацыя, Гародня
