На «Гродна Азоце» спыняўся адзін з цэхаў
На «Гродна Азоце» 12 студзеня адбылося спыненне аднаго з цэхаў — «Карбамід-3». Пра гэта паведамляе выданне завода «Гродзенскі хімік».
— Каля 13.30 у выніку міжфазнага кароткага замыкання кабеля 6 кВ уводу № 1 падстанцыі № 94 адбылося кароткатэрміновае спыненне шэрагу тэхналагічнага абсталявання цэха «Карбамід-3» з яго часовай разгрузкай. Да 23.00 нагрузка цэха была цалкам адноўлена.
На прадпрыемстве паведамляюць, што інцыдэнт не паўплываў на выпуск прадукцыі.
Фота: gazeta.azot.by
