Наймальнікам стала прасцей звальняць „нязручных” працаўнікоў
У Беларусі з 30 чэрвеня пачаў дзейнічаць абноўлены Працоўны кодэкс. Сярод іншага яго дапоўнілі новымі падставамі скасоўваць працоўны дагавор, паведамляе tut.by.
Звольніць зараз змогуць за прагул па прычыне адміністрацыйнага арышту, а таксама за «зліў» інфармацыі пра наймальніка. Акрамя таго, чыноўнікі ўвялі забарону на вылучэнне на забастоўках палітычных патрабаванняў. Звольніць бастуючага работніка змогуць без папярэдняга паведамлення або згоды прафсаюза.
У Мінпрацы раней тлумачылі, што некаторыя з новых фішак увялі «для абароны нацыянальнай бяспекі, грамадскага парадку, здароўя насельніцтва».
Пры гэтым анансаваныя раней ведамствам змены ў працоўнае заканадаўства, якія сапраўды могуць палепшыць становішча работнікаў (да прыкладу, урэгуляваць пытанні пераводу работнікаў на «удаленку»), да гэтага часу не прынялі.
Фота: pravo.by
