Навагодні стол
У Міністэрстве антыманапольнага рэгулявання і гандлю падлічылі, што ў сярэднім сёлетняя навагодняя вячэра абыдзецца беларускай сям’і ад 100 да 300 рублёў. Гэта пры ўмове сустрэчы свята дома.
Нашаму радыё жыхары Пінска распавялі, што плануюць сустрэць 2022 год без лішкаў на навагоднім стале:
– Рыбы, напэўна, чырвонай не будзе, будзе курыца, салата больш простая, ананасаў не будзе, будуць яблыкі.
– Як заўжды, квашаніна.
– Нашмат менш буду гатаваць, дзве-тры салаты – і ўсё.
– Няўжо не бачна? Усё даражэе. Ходзіш, прыглядаешся, а там бачна будзе.
Са свайго боку чыноўнікі адказныя за гандаль і рэгуляванне коштаў запэўніваюць, што ў краіне не адбылося пераднавагодняга падаражання тавараў першай неабходнасці. Стрымліваць кошты абяцаюць яшчэ на працягу 90 дзён.
Беларускае Радыё Рацыя
