Нямеччына вырашыла прыпыніць сертыфікацыю «Паўночнага патоку — 2»
Па словах канцлера Нямеччыны, пасля таго, як Расея прызнала незалежнасць ЛНР і ДНР неабходна зноўку ацаніць сітуацыю. Сертыфікацыя «Паўночнага патоку — 2» у гэтых умовах працягвацца не будзе.
Улады Нямеччыны прыпыняць сертыфікацыю «Паўночнага патоку — 2». Аб гэтым заявіў канцлер Олаф Шольц.
Газаправод пакуль немагчыма сертыфікаваць пасля «апошніх дзеянняў» Расеі, сказаў канцлер Нямеччыны. Па яго словах, сітуацыя павінна быць зноўку ацэненая пасля прызнання Расеяй ЛНР і ДНР — гэта закране і «Паўночны паток — 2».
Санкцыі супраць Расеі Нямеччына прыме на працягу дня, удакладніў Шольц.
