Аднаўленне паставак беларускай прадукцыі ў Расею ідзе марудна
Перамоўны працэс па аднаўленні паставак беларускай мяса-малочнай прадукцыі ў Расею ідзе занадта марудна, прызнаў дзяржсакратар Саюзнай дзяржавы Рыгор Рапота.
„Ёсць прававая аснова, якая створана ў межах Мытнага саюза, і паўнамоцтвы туды перададзены. Ідуць інтэнсіўныя кансультацыі беларускіх і расейскіх экспертаў.
– У цэлым я магу сказаць, што шляхі вырашэння былі дастаткова добра акрэсленыя. І гэта дазваляе вырашыць праблему на працягу дня. Ёсць механізмы, як у падобных выпадках павінны паводзіць сябе бакі. Такая тэма, калі ўзнікае, то яна не павінна выплёсківацца ў інфармацыйнае поле ды яшчэ з такім скандальным адценнем. Ідуць інтэнсіўныя кансультацыі беларуска-расейскіх экспертаў.
У лістападзе Рассельгаснагляд увёў забарону на пастаўкі прадукцыі больш як дваццаці беларускіх мяса-малочных прадпрыемстваў у сувязі з яе неадпаведнасцю нормам заканадаўства РФ і Мытнага саюза.
Беларускае Радыё Рацыя, паводле Бела ПАН
Глядзіце таксама
