Расея дае Беларусі чарговы крэдыт
У Маскве падпісанае міжурадавае пагадненне пра выдзяленне Беларусі крэдыту на 760 мільёнаў даляраў.
Па звестках Міністэрства фінансаў Беларусі, у Менск гэтыя грошы павінны прыйсці бліжэйшымі днямі.
Крэдыт выдаецца ў расейскіх рублях на 10 гадоў, уключаючы 4-гадовы ільготны перыяд.
Гэты крэдыт выдаецца для абслугоўвання і пагашэння крэдытаў, раней выдадзеных Беларусі Расеяй і Еўразійскім фондам стабілізацыі і развіцця. Сёлета Расея ўжо вылучала Беларусі новы крэдыт у 110 мільёнаў даляраў для пагашэння крэдыту, выдадзенага ў 2010-м годзе.
Фота Itar-Tass
