РЖД запусціла рэгулярны грузавы рух у абыход Украіны
Грузавыя цягнікі пачалі рэгулярны рух па чыгунцы ў абыход Украіны, паведамілі ў РЖД.
У жніўні РЖД завяршыла будаўніцтва абыходнага ўчастка Жураўка – Мілерава. Работы пачаліся ў 2014 годзе, пасля пагаршэння адносін з Украінай.
Лінія даўжынёй 137 кіламетраў праходзіць цалкам па тэрыторыі Расеі. Будаўніцтва абыходнага ўчастка ацэньвалася ў 56 мільярдаў рублёў. У праекце ўдзельнічалі падраздзяленне РЖД – „Росжелдорстрой” і чыгуначныя войскі.
Пасажырскія цягнікі па новым участку запусцяць пасля грузавых. Для іх яшчэ трэба будзе скласці расклад, адзначылі ў кампаніі.
Глядзіце таксама
