Студэнты ў Берасці актыўна шукаюць працу
Гэта адна з сацыяльных групаў, якая фактычна апынулася без абароны дзяржавы. Сітуацыю ўскладняе таксама і эканамічны крызіс у краіне.
Пытанне аплаты жытла і навучання становяцца ўсё больш вострымі. Апытаныя намі студэнты не спадзяюцца на падтрымку бацькоў або дзяржавы, таму самастойна і шукаюць працу:
– Шукаў працу па той прычыне, што студэнт, грошай не хапае. Я не з Берасця. Прыехаў. Здымаць жытло трэба. Хадзіў у цэнтар занятасці. Працу зараз найсці цяжка.
– У летніх кавярнях без праблем можна ўладкавацца. Яны шукаюць загадзя. Сезон – з траўня, а вучоба да чэрвеня-ліпеня, таксама не вельмі зручна сумяшчаць.
Бясплатнае навучанне ў Беларусі мае магчымасць атрымаць толькі адна траціна з ахвотных, якія падаюць дакументы на паступленне ва ўніверсітэты.
Для тых, хто навучаецца за кошт бюджэту, налічваюць стыпендыю максімальна да аднаго мільёна беларускіх рублёў. Гэта менш за пражытачны мінімум.
Беларускае Радыё Рацыя
Глядзіце таксама
