Супрацоўніца турагенцтва з Гародні прадала неіснуючы тур за 40 мільёнаў
Супрацоўніца аднаго з турагенцтваў Гародні прадала неіснуючы тур за 40 мільёнаў рублёў, а грошы перавяла сястры ў Казахстан. За прысваенне чужых грошай адкажа перад законам мэнеджэр аддзела продажаў аднаго з турыстычных агенцтваў абласнога цэнтра.
Дзяўчына ў два этапы атрымала ад кліента ў якасці аплаты турыстычнага тура больш за сорак мільёнаў беларускіх рублёў, палову з якіх пакінула сабе. Па словах начальніка аддзела па барацьбе з эканамічнымі злачынствамі Кастрычніцкага РАУС маёра міліцыі Валерыя Мацкевіча, грошы падазраваная ўзяла пад распіску, што верне ў тры этапы. Калі ж прыйшоў час, яна толькі паціснула плячыма, заявіўшы, што нічога не брала.
Да справы падключыліся праваахоўнікі, пасля чаго дзяўчына прызналася ў тым, што грошы перавяла за мяжу роднай сястры ў Казахстан. Ўзбуджана крымінальная справа за здзяйснення злачынства, прадугледжанага Крымінальным кодэксам Рэспублікі Беларусь „Прысваенне альбо растрата”. Санкцыі артыкула прадугледжваюць пазбаўленне волі да чатырох гадоў, удакладнілі ва ўпраўленні ўнутраных спраў Гарадзенскага аблвыканкама.
Глядзіце таксама
