Ці варта спадзявацца на рост заробкаў?
Падвысіць заробак амаль у два разы абяцае беларускі ўрад. Калі сярэднія выплаты на працы складаюць каля пяці мільёнаў беларускіх рублеў, то на 2016 год абацаюць падняць намінальны заробак да 7-8 мільёнаў. Апытаныя на цэнтральных вуліцах жыхары Берасця скептычна адносяцца да такой ініцыятывы і не вераць у паляпшэнне ўзроўню жыцця без эканамічных рэформаў:
– Я лічу, што гэта магчыма, калі будуць нейкія рэальныя дзеянні, а не дэмагогія. А каб рабіць нешта рэальнае, відаць, павінны давацца крэдыты людзям. Каб людзі маглі развіваць бізнес.
– Каб урад гэта зрабіў, павінны былі паступіць нейкія грошы.
– Не, гэта штосьці з вобласці фантастыкі. Было б, канешне, выдатна. Але мы глядзім рэальна на рэчы. Вось і ўсё.
Міністэрства эканомікі прагназуе на наступны год захаванне рэальнай пакупніцкай здольнасці, грашовых даходаў насельніцтва і эфектыўную падтрымку сацыяльна залежных грамадзян.
Беларускае Радыё Рацыя, Берасце
Фота belrynok.by
Глядзіце таксама
