Ці жадалі бы беларусы, каб знізіліся кошты на гарэлку?
На 16 працэнтаў знізіліся кошты на гарэлку ў Расеі. Пры гэтым расейскі рубель працягвае абясцэньвацца, а кошты на іншыя тавары і прадукты харчавання падвышаюцца.
Тым часам з трэцяга лютага будуць дзейнічаць новыя рэкамендацыі Мінгандлю і Мінэканомікі па фармаванні адпускных коштаў у Беларусі.
Што тлумачыцца недапушчэннем неабгрунтаванага росту коштаў і забеспячэннем спажывецкага рынку неабходным асартыментам тавараў
А ці жадалі бы беларусы, каб знізіліся кошты на гарэлку, як і ў Расеі, або на які іншы тавар, мы запыталіся ў мінакоў Глыбокага.
– Трэба знізіць кошт на прадукты харчавання, а вось на гарэлку – павысіла бы кошты.
– Лепей на прадукты, чым на гарэлку.
– Лепей на прадукты і адзенне.
– У першую чаргу – гэта прадукты харчавання, бо сярод нас шмат пенсіянераў. Пенсіі малыя, але есці ўсім патрэбна. І камунальныя паслугі – хацелася б, каб яны заставаліся на тым жа ўзроўні.
– Самае неабходнае – малако, масла, смятана.
– На малако, на тварог, на мяса.
Па словах людзей, зараз у Беларусі вельмі высокія кошты на малочныя і мясныя прадукты. Нават не ўсе пенсіянеры могуць дазволіць купіць сабе кавалак добрага мяса. А на зніжэнне коштаў на некаторыя тавары многія рэспандэнты ўжо і не спадзяюцца.
Тацяна Смоткіна, Беларускае Радыё Рацыя
Глядзіце таксама
