У Менску падлічылі так званых “дармаедаў”
У Менску падлічылі так званых “дармаедаў”. Паводле звестак камітэта па працы занятасці і сацыяльнай абароне, у базе даных працаздольных грамадзян, якія не занятыя ў эканоміцы, знаходзяцца 67 тысяч менчукоў. З іх каля 13-ці тысяч — не працуюць больш за 10 гадоў.
“…І гэта непрымальная пазіцыя: грамадзяне, якія атрымліваюць пэўныя льготы і карыстаюцца сацыяльнымі выгодамі, павінны ўносіць свой пасільны ўклад у развіццё грамадства”, — мяркуе старшыня Менгарвыканкама Уладзімір Кухараў.
Ён дадаў, што сярод незанятых у эканоміцы лічацца грамадзяне, якія не працуюць досыць доўгі час, але пры гэтым маюць нядрэннае жыллё, аўтамабілі і іншыя матэрыяльныя каштоўнасці, аднак падаткі і ўнёскі ў фонд сацыяльнай абароны не плацяць.
“У гэтым пытанні неабходна прымаць прынцыпова жорсткія меры”, — сказаў кіраўнік Менска.
Вынікі павінны быць на працягу студзеня. Паведамляецца, што колькасць вакансій на сталічным рынку працы перавышае 17 тысяч.
Беларускае Радыё Рацыя
Глядзіце таксама
