У Польшчы значна вырастуць цэны на электрычнасць і газ
У Польшчы значна вырастуць цэны на электрычнасць і газ. Упраўленне энергетычнага рэгулявання Польшчы зацвердзіла новыя тарыфы для індывідуальных спажыўцоў на 2022 год.
Пры аналагічным спажыванні за электрычнасць палякі заплацяць на 24% больш, а за газ – на 54%, паведамляе „Польскае радыё”.
Павышэнне тарыфаў звязана з больш высокімі коштамі на аптовых энергетычных рынках. Таксама павялічыліся падаткі на выкіды вуглякіслага газу ў атмасферу. Вялікая частка польскай электрычнасці вырабляецца пры спальванні вугалю. Таму Польшча вымушана купляць на біржы эмісійныя квоты на выкіды CO2.
Беларускае Радыё Рацыя
