Украіна звярнулася да ЕЗ з-за дзеянняў Газпрама
Антыманапольны орган ЕЗ павінен даць ацэнку дзеянням Газпрама, які справакаваў рэкордны рост коштаў на газ, лічаць ва Украіне.
Аператар газатранспартай сістэмы Украіны звярнуўся да ўладаў Еўразвяза з-за дзеянняў Газпрама. Як заяўляюць у прэс-службе АГТСУ ў пятніцу, 6 жніўня, Газпрам спусташае свае падземныя сховішчы ў Еўропе, каб не нарошчваць дадатковы транзіт праз Украіну.
У сітуацыю павінен умяшацца антыманапольны орган ЕЗ, лічаць у Кіеве.
Так, у ліпені сярэднясутачны транзіт праз Украіну склаў 124 млн кубаметраў. Газпрам выкарыстоўвае забраніраваныя магутнасці, але не павялічвае пастаўкі, нягледзячы на рэкордны рост коштаў газа ў Еўропе і нізкія запасы газу.
Адзначаецца, што з-за спынення маршрутаў Ямал-Еўропа і Паўночная плынь у ліпені краіны ЕЗ недаатрымалі амаль 2 млрд кубаметраў газу.
„Паводзіны Газпрама негатыўна адбіваецца на еўрапейскім рынку газу і ўплывае на эканоміку ўсяго рэгіёну. На маю думку, у сітуацыю павінен умяшацца адпаведны Антыманапольны орган Еўропы. Да таго ж, такую стратэгію расейскай кампаніі варта ўлічваць пры сертыфікацыі Паўночнага патоку-2”, – сказаў кіарўнік ГТС Украіны Сяргей Макагон.
Як паведамлялася, напярэдадні прапампоўка газу па газаправодзе Ямал – Еўропа зменшылася больш чым у два разы.
