Улады хочуць стварыць базу з усімі даходамі насельніцтва
Міністэрства па падатках і зборах зноў выступае за стварэнне базы з пашыранай інфармацыяй па даходах насельніцтва. Гэтую ініцыятыву абмяркоўвалі на грамадска-кансультатыўных саветах пры МПЗ і Міністэрстве працы. Раней падаткавікі ўжо прапаноўвалі стварыць падобную базу, у якой была б інфармацыя аб усіх даходах беларусаў.
Прычына такога абмеркавання для прадастаўлення безнаяўных жыллёвых субсідый, адзначала намеснік міністра па падатках і зборах Святлана Шаўчэнка.
Эксперт Андрэй Карпунін адказаў на гэтую прапанову тым, што ўсталяваць суму рэальных даходаў для прадастаўлення безнаяўных жыллёвых субсідый па прэзідэнцкім указам № 322 не ўяўляецца магчымым.
На грамадска-кансультатыўным савеце пры Мінпрацы таксама адзначылі, што ў выпадку прыняцця змяненняў, якія прапануюць падаткавікі, у работнікаў бухгалтэрыі з’явіцца дадатковая нагрузка па запаўненні дэталізаваных звестак аб даходах грамадзянаў і прадастаўленні іх у базу дадзеных аб даходах грамадзянаў.
Беларускае Радыё Рацыя
Фота: БелТА
Глядзіце таксама
