Урад дазволіў рэалізаваць у 2018 годзе больш за 10 млн куб.м драўніны
Урад зацвердзіў аб’ёмы рэалізацыі драўніны на пні па-за біржавымі таргамі па таксавым кошце ў 2018 годзе. Гэта прадугледжана пастановай Савета Міністраў ад 25 жніўня 2017 года нумар 653.
У цэлым аб’ёмы рэалізацыі драўніны на пні па-за біржавымі таргамі па таксавай вартасці ў 2018 годзе складуць 10 млн 19,3 тыс. куб.м. Аб’ёмы рэалізацыі драўніны па хвойнай гаспадарцы запланаваны ў памеры 4 млн 839,9 тыс. куб.м, па цвёрдалістай – 146,7 тыс. куб.м, па мягкалістай – 5 млн 32,7 тыс. куб.м.
Міністэрствам лясной гаспадаркі, абароны, адукацыі, Нацыянальнай акадэміі навук Беларусі даручана прыняць неабходныя меры па рэалізацыі ва ўстаноўленым парадку ўказаных аб’ёмаў і забяспечыць кантроль за водпускам драўніны на пні.
Аблвыканкамам трэба пракантраляваць мэтавае выкарыстанне драўніны лесакарыстальнікамі, а МУС – мэтавае выкарыстанне набытай у 2018 годзе арганізацыямі крымінальна-выканаўчай сістэмы і лячэбна-працоўных прафілакторыяў драўніны на пні па-за біржавымі таргамі па таксавым кошце.
