Урад загадаў, каб ровень беспрацоўя ў Беларусі за год не перавышаў 1%
Савет міністраў вызначыў прагнозы па беспрацоўі на 2018 год. Паквартальныя паказчыкі зацверджаныя пастановай урада №154 ад 26 лютага 2018 года, паведамляе прэс-служба Саўміна.
Згодна з пастановай урада, ровень зарэгістраванага беспрацоўя ў Віцебскай вобласці на працягу 2018 года не павінен перавышаць 1,3%. У Берасцейскай і Гомельскай абласцях гэты паказчык вызначаны ў 1,2%, у Гарадзенскай і Магілёўскай — 1,1%, у Менскай — 1%. Найменшае прагнознае значэнне зацверджанае для Менска — 0,5%. Агулам па Беларусі беспрацоўе за год не павінна перавышаць 1%.
„Дакумент прыняты ў адпаведнасці з падпунктам 2.1 пункта 2 дэкрэта прэзідэнта Рэспублікі Беларусь ад 2 красавіка 2015 г. №3 „Аб садзейнічанні занятасці насельніцтва”, — адзначае прэс-служба.
Фота: in-news.ru
Глядзіце таксама
