Вытворчасць сельгаспрадукцыі ў Беларусі ў першым квартале знізілася на 0,5%
У Беларусі ў студзені—сакавіку 2021 года ў гаспадарках усіх катэгорый (у сельскагаспадарчых арганізацыях, сялянскіх (фермерскіх) гаспадарках, гаспадарках насельніцтва) вытворчасць прадукцыі сельскай гаспадаркі ў бягучых цэнах склала 3 млрд 211,7 млн рублёў, што ў супастаўных цэнах на 0,5% менш, чым за такі ж перыяд 2020 года.
У сельскагаспадарчых арганізацыях выраблена прадукцыі на 3 млрд 125,7 млн рублёў (на 0,1% менш).
У гаспадарках усіх катэгорый выраблена жывёлы і птушкі ў жывой вазе 451 тыс. тон, малака — 1 млн 862,9 тыс. тон, яек атрымана 813,6 млн.
На долю сельскагаспадарчых арганізацый прыпадае 96,1% аб’ёму вытворчасці жывёлы і птушкі, 98,1% — малака, 91,6% — яек.
На 1 красавіка 2021 года ў сельскагаспадарчых арганізацыях налічвалася 4,2 млн галоў буйной рагатай жывёлы, у тым ліку кароў — 1,4 млн. Колькасць свіней склала 2,5 млн.
Як паведамлялася, у 2020 годзе вытворчасць прадукцыі сельскай гаспадаркі ў бягучых цэнах склала 22,9 млрд рублёў і павялічылася ў параўнанні з 2019 годам у супастаўных цэнах на 4,9%.
