З пачатку года цэны ў прамысловасці выраслі на 7,8%, у будаўніцтве — на 4,5%
Цэны вытворцаў прамысловай прадукцыі ў траўні ў адносінах да красавіка 2021 года выраслі на 1,8%, у параўнанні са снежнем 2020 года — на 7,8%, вынікае з дадзеных Белстата.
На інвестыцыйныя тавары цэны павялічыліся на 1,6 і 6,7% адпаведна, на прамежкавыя — на 5,1 і 12%, на спажывецкія — на 0,4 і 3,3%.
Цэны вытворцаў сельскагаспадарчай прадукцыі ў траўні ў параўнанні з красавіком выраслі на 1,3% (з снежнем 2020 года — на 8,3%), у тым ліку ў раслінаводстве — знізіліся на 0,8% (выраслі на 12,4%), жывёлагадоўлі — выраслі на 1,9% (на 7,2%).
У будаўніцтве ў траўні ў параўнанні з красавіком цэны выраслі на 1,1%, са снежнем 2020 года — на 4,5%. Цэны на будаўніча-мантажныя работы павялічыліся на 3,2 і 5,9% адпаведна, машыны і абсталяванне — знізіліся на 1% і выраслі на 0,7%, іншыя работы і затраты – знізіліся на 2,6% і выраслі на 3,1% адпаведна.
Тарыфы на перавозку грузаў усімі відамі транспарту ў траўні ў параўнанні з красавіком выраслі на 0,4%, са снежнем 2020 года — на 4,7%.
Тарыфы на паслугі сувязі для юрыдычных асоб і індывідуальных прадпрымальнікаў у траўні ў параўнанні з красавіком 2021 года не змяніліся, са снежнем 2020 года — выраслі на 0,1%.
Як паведамлялася, спажывецкія цэны ў маі ў параўнанні з красавіком павялічыліся на 0,6%, са снежнем 2020 года — на 5,2%.
