За студзень – сакавік рынак каштоўных папер Беларусі ўпаў на 43%
Мінфін паведамляе, што па выніках I квартала ў Беларусі рынак каштоўных папер скараціўся на 42,8% у параўнанні з аналагічным перыядам 2022 года, да 2,479 млрд. рублёў. Такія звесткі ўтрымлівае афіцыйны прэс-рэліз Дэпартамента па каштоўных паперах.
Значным было скарачэнне ў сегменце акцый: тут аб’ём аперацый упаў амаль на 87%, да 18,5 млн рублёў.
У сегменце аблігацый сума здзелак знізілася на 41%, да 2,46 млн рублёў. Пры гэтым аб’ём здзелак з даўгавымі паперамі банкаў паменшыўся на 60%, да 1,435 млрд. Для параўнання: сума аперацый з бондамі прадпрыемстваў вырасла на 22%, да 952,6 млн.
Абарот на неарганізаваным рынку аблігацый упаў на 51%, да 1,9 млрд рублёў. А неарганізаваны рынак акцый уціснуўся да 16,7 млн, страціўшы 87%.
Раней паведамлялася, што аб’ём таргоў каштоўнымі паперамі на Беларускай валютна-фондавай біржы за студзень – сакавік вырас на 15% да ўзроўню I квартала 2022 года, да 2,346 млрд рублёў.
