16-ты адкрыты чэмпіянат „Гонкі за птушкамі”
16-ты адкрыты чэмпіянат „Гонкі за птушкамі” прайшоў у Беларусі пры ўдзеле сямнаццаці дружынаў. Гарадзенская каманда пад назвай „Гарадзенскія Unifed„ заняла дзявятае месца ў спаборніцтвах, зафіксаваўшы 90 відаў птушак за 12 гадзінаў „гонак”.
Кажа Зміцер Вінчэўскі, ўдзельнік каманды:
– Галоўная мэта гэтых спаборніцтваў – убачыць на працягу 12 гадзін, з 6 раніцы да 6 вечара, як мага больш відаў птушак у дзікай прыродзе. Ёсць розныя нюансы, увесь час правілы рабіліся больш ліберальнымі. Раней трэба было вяртацца ў той самы пункт, з якога пачыналася гонка, і першыя спаборніцтвы ў першыя гады доўжыліся 9 гадзін.
Пераможцамі ў чэмпіянаце стала зборная дружына з Менску і Барысава, якая паспела за 12 гадзінаў пошукаў на поўдні і захадзе краіны зафіксаваць 118 відаў птушак.
Дружына „Дакудаўскія лосі”.
Якуб Сушынскі, Беларускае Радыё Рацыя
