198-ы дзень пратэстаў супраць фальсіфікацыі выбараў і гвалту
У Беларусі 198-ы дзень прайшлі лакальныя акцыі пратэсту супраць фальсіфікацыі прэзідэнцкіх выбараў і гвалту сілавікоў.
У менскім мікрараёне Сухарава прайшла акцыя – некалькі чалавек трымалі сцягі і плакаты з заклікам вызваліць журналістаў і палітвязняў.
У Малінаўцы паміж дамамі з’явіўся вялікі БЧБ-сцяг.
У Жодзіне прайшла акцыя да Дня роднай мовы з лозунгам «Нашы самыя любiмыя словы на беларускай мове — „Жыве Беларусь!”.
Пікет у менскай Серабранцы памяці Рамана Бандарэнкі – «Мы памятаем, не забудзем, не даруем».
Інсталяцыя ў Менску ў падтрымку зняволенай журналісткі Барысевіч «Кветкі замест прысуду. Свабоду Кацярыне Барысевіч!»
Навінкі, што пад Менскам, перажываюць за Кацю Барысевіч і Арцёма Сарокіна.
У Глыбокім, што на Віцебшчыне, таксама „Жыве Беларусь!” Нават мядзведзі ў лясах пра гэта ведаюць.
Беларускае Радыё Рацыя
Фота, відэа tut.by і чытачоў Радыё Рацыя
