„Угаворвалі сілай”. Калектывізацыя ў Заходняй Беларусі
У Гарадзенскім цэнтры гарадскога жыцця прайшла публічная справаздача „Беларускага архіву вуснай гісторыі”, які завяршыў сваю другую экспедыцыю па беларускіх вёсках. Гэтыя палявыя доследы ахапілі Гарадзеншчыну: Воранаўскі і Лідскі раёны. Асноўная тэма, якая цікавіла навукоўцаў: як калектывізавалі Заходнюю Беларусь?
Кажа кіраўнік сёлетняй экспедыцыі Алесь Смалянчук:
– Што мяне, як кіраўніка, цешыць і радуе, тое, што трохі іншыя тут былі вынікі – у Лідскім і Воранаўскім раёнах, дзе дамінуе каталіцкае насельніцва. Уражвала тое, што ўспрымаецца гэта пазітыўна. Па літаратуры мы ведаем, што калектывізацыя – страшная бяда, што забіралі маёмасць – зямлю і іншыя рэчы. У памяці сённяшніх людзей, у якіх практычна працоўны стаж – гэта гісторыя беларускіх калгасаў, захавалася нейкая добрая памяць. Рознае на гэта, безумоўна, паўплывала. Бо людзі і сёння яшчэ жывуць у калгасах.
Сустрэча з гарадзенцамі „Беларускага архіву вуснай гісторыі” прымеркавана была „Тыдня беларускага мыслення” ў Гародні. Імпрэза прайшла ў арт-галерэі „Крыга”, якая пасля доўгага рамонту ўвабрала ў сябе дадатковыя культурныя функцыі, такія, як Цэнтр гарадскога жыцця.
Наступная сустрэча гарадзенцаў пройдзе 21-га верасня з Луненскім краязнаўцам Лявонам Карповічам а 18-30.
[iframe id=”https://www.youtube.com/embed/AdBwf3PImGY”]
[Not a valid template]
Якуб Сушчынскі, Беларускае Радыё Рацыя
Фота аўтара
Глядзіце таксама
