27 cтудзеня – Міжнародны дзень памяці ахвяраў Халакосту
27 студзеня па ўсім свеце адзначаюць Міжнародны дзень памяці ахвяраў Халакосту.
Ці ўшанавана належным чынам памяць пра жахлівую трагедыю габрэйскага народу ў беларускіх школьных падручніках, распавядае гісторык Алесь Смалянчук:
– Я паспрабаваў проста паглядзець, якім чынам трагедыя Халакосту – адна з найвялікшых трагедый XX стагоддзя, адлюстравана ў беларускіх падручніках. Першыя гады беларускай незалежнасці былі яшчэ савецкія падручнікі. У падручніку 1982 года “Гісторыя БССР” вельмі шмат было напісана пра ахвяраў нацысцкага рэжыму, і ў якасці ахвяр звычайна фігуравалі славяне, беларусы, а трагедыі габрэйскага насельніцтва фактычна было наканавана забыццё. Першае пакаленне беларускіх падручнікаў, калі нехта яшчэ памятае гэтыя бел-чырвона-белыя падручнікі, зусім іншы быў падыход.
Тэма Халакосту, якая з’явілася ў першых школьных падручніках па гісторыі незалежнай Беларусі, з прыходам да ўлады Аляксандра Лукашэнкі амаль знікла, распусцілася ў тэме Вялікай айчыннай вайны, выкрэсліваючы з яе перыяд з 39-га па 41-ы год.
Максім Каўняровіч, Беларускае Радыё Рацыя
