270 рублёў – год „хіміі” за пашкоджанае шкло ў аўтобусе
За пашкоджанае шкло ў аўтобусе коштам 270 рублёў – годам „хіміі” пакараны 36-гадовы жыхар Бярозы Вадзім Сычык. Падзеі адбываліся падчас мірнай акцыі 10 жніўня.
Калі АМАП прымяніў супраць мірных людзей зброю і фізічную сілу, кажа сябра Беларускай сацыял-дэмакратычнай партыі (Грамада) Таццяна Тарасевіч:
– Гэтая мера завышана, прыгавор будаваўся на меркаваннях, але ніяк не на доказах віны Вадзіма. Добры супрацоўнік, цудоўны бацька, таварыскі чалавек. У той дзень у аўтобус аўтабазы з АМАПаўцамі ляцелі розныя прадметы.
Сябра праваабарончага цэнтра „Вясна” Сяржук Русецкі лічыць вынесены прысуд спрэчным:
– Старшыня Бярозаўскага раённага суда Наталля Вакульчык фактычна цалкам падтрымала прапанову дзяржаўнага абвінаваўцы, хаця ў асноўным абвінавачанні грунтуюцца на паказаннях маёра Іванюка, трэба разглядаць, як даволі спрэчныя.
Паводле праваабаронцы, калі б у аўтобусе не сядзелі міліцыянты і АМАП, то справы не ўзнікла б, напэўна, наогул. А калі б і ўзнікла, то за пашкоджанае шкло не больш адміністрацыйнай.
Цалкам матэрыял у далучаным файле:
Падтрымаць Вадзіма Сычыка ў судзе прыйшло шмат людзей. Але даць ацэнку прысуду наважыліся, на жаль, толькі двое, жанчына з сістэмнай апазіцыі і праваабаронца.
Старшыня суда Наталля Вакульчык.
Галоўны сведка Віктар Іванюк.
Беларускае Радыё Рацыя
