30 базавымі штрафу ў сукупнасці пакаралі гомельскага журналіста
30 базавымі штрафу ў сукупнасці пакаралі гомельскага журналіста Кастуся Жукоўскага. Суд Цэнтральнага раёна Гомеля палічыў журналіста вінаватым у незаконным вырабе і распаўсюдзе інфармацыі.
Сам Кастусь Жукоўскі лічыць такія працэсы над ім помстай за прафесійную дзейнасць.
— Мне далі 30 базавых за 4 пратаколы. Гэта ўпершыню такі вырак. Звычайна давалі за кожны пратакол па 40-50 базавых. Я гэта звязваю з тым, што ідуць нейкія перамовы наверсе, таму яны ўжо не так моцна шэльмуюць і далі за 4 пратаколы трыццаць.
Кастусь Жукоўскі з’яўляецца адным з рэкардсменаў у асяроддзі журналістаў-фрылансераў па колькасці штрафаў за прафесійную дзейнасць. За 2017 год яго судзілі двойчы, агульная сума штрафаў — 70 базавых велічыняў.
Беларускае Радыё Рацыя, Гомель
