8 сакавіка – Міжнародны жаночы дзень
Сёння ў свеце адзначаецца Міжнародны жаночы дзень. Першы раз свята адзначылі ў 1911 годзе ў Капенгагене з ініцыятывы Клары Цэткін, дзяячкі нямецкага і міжнароднага камуністычнага руху ды змагаркі за правы жанчын. У Беларусі 8 сакавіка адзначаюць вельмі ўрачыста. На што гатовыя пайсці беларускія мужчыны і на якія падарункі спадзяюцца беларускія жанчыны, журналісты запыталі ў жыхароў Менска.
– Я бы хацела, каб мне малады чалавек зрабіў прапанову, вось і ўсё. – Любы падарунак, галоўнае каб ён быў ад душы. – Канцэрт любімай групы, толькі для яе. – Увесь свет. – Наведваненне рэстарацыі – французскай, італьянскай. Пакуль не вельмі атрымліваецца. Мужчыны пакуль не раскашэльваюцца. – Я жадаю падарыць настрой, вясёлы настрой, які яны не забывалі б яшчэ цэлы год. – Айфон. – Калі б была магчымасць, канешне, падарожжа. – Кветкі і яшчэ што-небудзь такое… – Электроннае піяніна. – Зрабіць усё, каб яны былі шчаслівымі. – Хацелася б, каб мая мама атрымала самы доўгачаканы падарунак, пра які яна марыць ужо доўгі час. – Я банальны ў гэтым плане – парфума. – У мяне засталося нерэалізаваным жаданне – скокнуць з парашутам з неба. – Сваё каханне. – Канешне, кветкі, шмат кветак, вельмі люблю кветкі… – Мару атрымаць шмат салодкага, а таксама цяпло, пяшчоту, клопат. І круху кветак, канешне. – Мару ўжо 10 гадоў кветку купіць і падарыць, але я думаю, гэтая мара на гэты 8 сакавіка збудзецца.
У Нацыянальным мастацкім музеі пройдзе праект «Жанчына — гэта мастацтва!» прысвечаны Міжнароднаму жаночаму дню. У рамках праекта ў вестыбюлі музею будуць экспанавацца творы жывапісу, звязаныя з жанчынамі.
Беларускае Радыё Рацыя. Паводле БелаПАН.
Глядзіце таксама
