8 сакавіка ў Беларусі абвешчана штормавае папярэджанне
У Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды паведамілі, што ў Беларусі 8 сакавіка з-за моцнага ветру абвешчаны аранжавы ровень небяспекі.
У пятніцу будзе пераменная воблачнасць. Месцамі пройдуць невялікія кароткачасовыя ападкі, пераважна дождж. Вецер прагназуецца паўднёва-заходні 6-11 м/с, ноччу з парывамі да 14 м/с, у ранішнія і дзённыя гадзіны на большай частцы тэрыторыі – да 15-20 м/с. Тэмпература паветра ўначы складзе 2-8 градусаў вышэй за нуль. Днём будзе 8-13 градусаў цяпла, па поўдні – плюс 14-15 градусаў.
Фота rus-bel.online
