Абаронцы жывёл заклікаюць спыніць забойствы
Берасцейская пракуратура не стала займацца забаронай адстрэлу бяздомных жывёлаў у Берасці. Пра гэта паведаміла берасцейская зоа-абароца Ірына Сіняпкіна.
Яна атрымала адказ адносна гуманнага абыходжання з жывёламі ад пракуратуры. Наглядны орган перанакіраваў зварот да камунальных службаў.
Тыя, у сваю чаргу, патлумачылі свае жорсткія дзеянні зваротамі грамадзян, якіх пакусалі шалёныя сабакі. “Самае цікавае ў гэтай сітуацыі, што ў пракуратуру я скардзілася на дзеянні камунальнай службы, а наглядны орган перанакіраваў да іх маю скаргу”, – распавяла Ірына Сіняпкіна:
– Галоўны іх адказе: стэрылізацыя жывёлаў без нагляду за імі, як паказвае досвед іншых краінаў не выраеш праблеым шаленства.
Прадстаўнікі камунальных службаў у сваім адказе патлумачылі, што адстрэл жывёлаў дазволілі рабіць мясцовыя ўлады, у прыватнасці Берасцейскі гарадскі выканаўчы камітэт.
Камунальнікі звяртаюць увагу, што стэрылізацыя жывёлаў не вырашае пытання распаўсюду шаленства сярод бадзяжных жывёлаў.
“Застаецца высвятліць, куды зыходзяць грошы з гарадскога бюджэту, якія павінны ісці на прафілактыку захворванняў жывёлаў, якія ня маюць гаспадароў”, – дадае Ірына Сіняпкіна.
* * *
Адкрыты ліст да кіраўніка Берасцейскага гарадскога выканаўчага камітэту Аляксандра Рагачука падрыхтавалі абаронцы правоў жывёлаў. Усё часцей у горадзе гучаць словы: „Берасце – культурная сталіца Беларусі”.
Таму абаронцы жывёл заклікаюць да культурнага вырашэння праблемаў беспрытульных жывёлаў.
Адна з ініцыятарак звароту, Ірына Сіняпкіна мяркуе, што грошы, якія павінны выдаткоўвацца на бадзяжных жывёлаў, проста крадуцца з гарадскога бюджэту:
– Я проста абураная, што там забіваюць сабак і не толькі сабак, а розных жывёлаў – а мы за свае падаткі ўтрымліваем камунальнікаў.
„Для работнікаў „Камунальніка”, бадзяжныя сабакі і каты – смецце, ад якога яны чысцяць наш горад, а мы – жыхары Берасце, усе такія культурныя, добрыя і месцамі слаба-характарныя, працягваем эканоміць на стэрылізацыі, размнажаем у геаметрычнай прагрэсіі і выкідваем на вуліцу жывёл”, – дадала зоа-абаронца.
Беларускае Радыё Рацыя
Глядзіце таксама
