Аблава ў Карэлічах: АМАП затрымліваў людзей у паліклініцы, Доме культуры і райвыканкаме
15 гадоў таму
Паводле інфармацыі Mayday team, 27 кастрычніка ў Карэлічах супрацоўнікі АМАП затрымалі некалькі чалавек.
-
Фота: ekskursii.by
Вядома, што раніцай у Карэліцкай раённай паліклініцы было затрымана некалькі дактароў, у тым ліку стаматолаг. З персаналам праводзілі «прафілактычныя гутаркі» аб недапушчальнасці «падпісак на экстрэмісцкія рэсурсы».
Акрамя таго, двое чалавек было затрымана ў Карэліцкім райвыканкаме, таксама былі затрыманыя некаторыя супрацоўнікі Карэліцкага раённага Цэнтра культуры і народнай творчасці.
Раней затрыманні ў Гарадзенскай вобласці прайшлі ў Лідзе, Ваўкавыску, Шчучыне.
