Адміністратара „Белых халатаў” асудзілі на чатыры гады калоніі
За адміністраванне тэлеграм-каналу «Белыя халаты» студэнта пакаралі 4 гадамі турмы. Прысуд 21-гадоваму студэнту медуніверсітэту Уладзіславу Марціновічу агучыла ў Менскім гарадскім суддзя Алена Ананіч.
Праваабарончы цэнтар «Вясна» паведаміў, што Марціновіча прызналі вінаватым у «закліках да дзеянняў, накіраваных на прычыненне шкоды нацыянальнай бяспецы Рэспублікі Беларусь».
Уладзіслава Марціновіча амаль год утрымліваюць пад вартай у СІЗА-1.
Хлопца затрымалі 19 лістапада — у той самы дзень, што і журналістку Tut.by Кацярыну Барысевіч, і лекара Арцёма Сарокіна, якіх асудзілі за абнародаванне медычных дакументаў забітага жыхара менскай «плошчы Перамен» Рамана Бандарэнкі.
Праваабаронцы прызналі Уладзіміра Марціновіча палітвязнем.
Беларускае Радыё Рацыя
