Aдважная барацьба за новую Беларусь
26 ліпеня 2020 года годныя грамадзяне Беларусі ў Сіэтле стаялі плячо ў плячо ў падтрымку мірных дэманстрантаў і Беларусі. Яны далучыліся да гэтай адважнай барацьбы, каб забяспечыць наступныя пакаленні беларусаў лепшай будучыняй. Жыве Беларусь!
Святлана К.:
– Адным з вызначальных атрыбутаў беларускага народа, як на Pадзіме, так і за мяжой, з’яўляецца наша прыстойнасць. Працягваючы нашу больш, чым тысячагадовую гісторыю, улічваючы вялікія войны і голад, а таксама перыяды моцных палітычных хваляванняў і эканамічнай нявызначанасці, мы, як асобныя грамадзяне і як нацыя, прадэманстравалі нязменную прыхільнасць сацыяльнай прыстойнасці, дух грамадзянскага абавязку і няўмольную прыхільнасць дабрабыту нашых суграмадзян. Менавіта гэтая трывалая нацыянальная характарыстыка дае нам невычарпальную надзею на лепшую будучыню нашай Радзімы.
У той час, як новыя пакаленні нашых грамадзян, з аднаго боку, імкнуцца дасягнуць поўнага чалавечага і эканамічнага патэнцыялу, з другога, змагаюцца з палітыкай, прыгнётам і мадэллю кіравання мінулай эпохі, якую большасць іншых еўрапейскіх грамадстваў паспяхова пакінулі ў мінулым. Калі мы набліжаемся да чарговых нацыянальных выбараў, якія абяцаюць быць якімі заўгодна, акрамя справядлівых, нашы новыя пакаленні прымусілі нас надзвычай ганарыцца, нясучы той самы гістарычны факел прыстойнасці; праз іх барацьбу за правы чалавека, палітычную свабоду і сапраўдную дэмакратыю. І свет заўважыў.
Выбары, якія маюць адбыцца 9 жніўня, як і ўсе астатнія ў рэжыме Аляксандра Лукашэнкі на працягу апошніх 26 гадоў, падвяргаюцца абгрунтаванай крытыцы за выключэнне асноўных палітычных канкурэнтаў, парушэнні выбарчай кампаніі і сістэматычны прыгнёт палітычных груп, і нават звычайных грамадзян, якія выступаюць супраць.
У той час як кандыдатура прэтэндэнта на пасаду прэзідэнта, банкіра Віктара Бабарыка, была адхіленая Цэнтральнай выбарчай камісіяй у сувязі з крымінальнай справай, узбуджанай супраць яго, іншаму прэтэндэнту, былому амбасадару Валерыю Цапкалу, было таксама адмоўлена пасля забароны некаторых подпісаў у падтрымку яго кандыдатуры.
Лукашэнка таксама сутыкаецца з вострай крытыкай у Беларусі і за мяжой за тое, што вельмі дрэнна абыходзіцца з пандэміяй COVID-19, эканамічным станам свайго ўрада і, акрамя ўсяго, за жорсткае і несправядлівае стаўленне да мірных дэманстрантаў, якія дэманструюць сваё права на свабодныя і сумленныя выбары. Гэта ўключае ў сябе гвалт над імі ў розных формах – збіццё, незаконныя затрыманні і нават выкраданні сакрэтнымі ўрадавымі сіламі, найбольш ганебна вядомымі як АМАП, з мэтай падаўлення законнай палітычнай барацьбы.
Прыйшоў час беларусам усяго свету быць салідарнымі са сваімі суграмадзянамі ў нашай калектыўнай барацьбе за выратаванне свабоды, свабоды слова і сумленных выбараў ад палітычнага прыгнёту ў Беларусі. Настаў час узмацніць міжнародны ціск на ўрад Лукашэнкі, каб узмацніць агульнапрынятыя глабальныя стандарты для празрыстых выбараў, уключаючы ўдзел усіх законных прэтэндэнтаў на прэзідэнцкую пасаду, доступ назіральнікаў за выбарамі ад ААН і безумоўнае вызваленне палітычных зняволеных.
Беларускае Радыё Рацыя
Глядзіце таксама
