Акцыя гарадзенскага хоспіса супраць раку
У Дзень барацьбы з анкалагічнымі захворваннямі, які ва ўсім свеце адзначаюць 4 лютага, дзіцячы хоспіс правёў акцыю ў гарадзенскай кавярні «Рандэву».
Выхаванцы хоспіса разам з вучнямі адной з гарадзенскіх гімназій гатавалі печыва ў форме сэрцаў, а наведнікі кавярні маглі набыць такія сэрцы.
Пра мэты акцыі распавядае намесніца дырэктара гарадзенскага дзіцячага хоспіса Ёанна Нямчыноўская:
— Спрабаваць дайсці да свядомасці перш за ўсё бацькоў: звярнуць увагу на сваё здароўе і здароўе сваіх дзяцей, пайсці ў медустанову, здаць аналізы, прайсці абследаванне, праверыць свой арганізм, стан свайго арганізму дзеля таго, каб ніколі не пачуць траўмуючы дыягназ: у вас — рак. І вось падапечныя дзіцячага хоспіса звяртаюцца да ўсіх: разам мы можам прадухіліць рак.
Наведнікі кавярні таксама мелі магчымасць зрабіць ахвяраванні ў дапамогу хоспісу.
Пад апекай Гарадзенскага дзіцячага хоспіса знаходзяцца 76 сем’яў з цяжка- і невылечна хворымі дзецьмі.
[Not a valid template]
Беларускае Радыё Рацыя
Глядзіце таксама
