Акцыя пратэсту гарадзенскіх таксістаў
Гарадзенскія таксісты пачалі падаваць індывідуальныя пісьмовыя звароты ў абласны выканаўчы камітэт. Яны не згодны, каб усталёўвалі ў іх таксометры сродкі кантролю падатковых органаў. Кажа адзін з гарадзенскіх таксістаў Сяргей Верамеенка:
– Усталяванне гэтай прылады прадугледжваецца за наш кошт. Такім чынам, кожны ўладальнік таксометра павінен аплаціць усталяванне, кошт закладу, працу і г.д. Агулам выдаткі складаюць 3,5-4 мільёны.
За першы дзень акцыі было перададзена ў агульны аддзел абласнога выканаўчага камітэта дзесяць заяваў нязгодных. Акцыя па пісьмовых зваротах таксістаў працягнецца ў наступны панядзелак на плошчы Леніна. Апрача індывідуальных зваротаў, сярод таксістаў праводзіцца збор подпісаў пад калектыўным зваротам да менскіх уладаў, якія адказныя за пастановы, што даводзяць таксістаў да мяжы існавання.
[Not a valid template]
Якуб Сушчынскі, Беларускае Радыё Рацыя, Гародня
Фота аўтара
Глядзіце таксама
