Пераслед Уладзіміра Табулы на „Граніце”
На прадпрыемстве “Граніт” у Мікашэвічах дырэкцыя арганізавала траўлю інжынера па тэхніцы бяспекі Уладзіміра Табулы за спробу бараніць сваё права на працу. Ён звярнуўся пісьмова да гендырэктара.
Табула выклаў усе парушэнні тэхнікі бяспекі на прадпрыемстве і незабеспячэнне асабіста яго адпаведнымі ўмовамі пры працы ў шкодным асяроддзі. Як бацька чацвярых непаўнагадовых дзяцей ён таксама звярнуўся ў Міністэрства працы, кажа Уладзімір Табула:
– Я звяртаўся і ва Упраўленне справамі прэзідэнта Рэспублікі Беларусь, і ў Берасцейскі абласны выканаўчы камітэт, і ў Дэпартамент міжраённай інспекцыі па працы – прасіў, патрабаваў сустрэчы са мной. У выніку я заўважыў наступнае – тыя парушэнні, пра якія я пісаў, пачалі хуценька выпраўляць.
Інжынер па тэхніцы бяспекі Уладзімір Табула быў папярэджаны пра непрацягненне з ім працоўнага кантракта без тлумачэння прычынаў. Ён лічыць, што за прынцыповую пазіцыю пры выкананні сваіх абавязкаў.
Беларускае Радыё Рацыя
