Актывістаў Паліну і Андрэя Шарэндаў выклікаюць ў пракуратуру
Берасцейскія актывісты грамадзянскай кампаніі “Еўрапейскай Беларусьі” Паліна і Андрэй Шарэнды абураныя, па іх словах, правакацыяй з боку пракуратуры горада.
Ім даслалі позву за подпісам старэйшага пракурора Берасця Бразінскай. Па позве яны павінны былі з’явіцца ў пракуратуру па “пытанні прад’яўлення зыска пра спагнанне шкоды юрыдычнай асобе”.
Паколькі актывісты шкоды нікому не наносілі, то ад паходу ў пракуратуру ўстрымаліся.
«Мы з трывогай чакаем развіцця далейшых падзей», – кажа Паліна Шарэнда:
– Калі апошнія 10 год была методыка прыцягнення да адказнасці нібыта за нецэнзурную лаянку, цяпер яны вырашылі, відаць, да нейкіх іншых методык перайсці – вось да гэтага «спагнанне шкоды».
Андрэй Шарэнда за апошнія паўгады тройчы быў затрыманы па надуманых прычынах.
Двойчы праваахоўнымі органамі і адзін раз на беларускай мяжы, дзе ў яго былі канфіскаваны 7 сцягоў Еўразвязу.
Беларускае Радыё Рацыя
Глядзіце таксама
