Алена Андросік: Беларусь – унікальная краіна
Галоўнае багацце Беларусі – гэта інтэлектуальны патэнцыял і турыстычны бізнес.
Але для яго рэалізацыі патрэбныя ўмовы і шмат працаваць, кажа былая навучэнка Коласаўскага ліцэя Алена Андросік – дактарантка маральнай тэалогіі Люблінскага каталіцкага ўніверсітэту:
– Неабходна развіваць тое, у чым Беларусь сапраўды моцная, каб мы маглі экспартаваць тое, што ёсць у нас. Я перакананая, што беларусы – вельмі разумныя людзі, якія маюць вялікі патэнцыял у навуцы. Спрыяе і магчымасць выязджаць за мяжу на вучобу, але так, каб моладзь хацела вярнуцца на Радзіму. З іншага боку, безумоўна, турызм. У нас вельмі прыгожая краіна, яна па-свойму ўнікальная.
Паводле Алены Андросік, трэба кантактаваць з многімі краінамі і мець магчымасць вымены тавараў без пэўных падаткаў. Але для здзяйснення ўсяго гэтага ўмоваў пакуль няма.
Беларускае Радыё Рацыя, Берасце
Глядзіце таксама
