Алену Танкачову могуць пазбавіць права на жыхарства ў Беларусі
У дачыненні да вядомай праваабаронцы, старшыні праўлення асветніцкай установы „Цэнтр прававой трансфармацыі” (Lawtrend) Алены Танкачовай распачатая працэдура пазбаўлення яе права на жыхарства ў Беларусі.
Алена Танкачова з’яўляецца грамадзянкай Расейскай Фэдэрацыі, але каля 30 год пражывае ў Беларусі.
„23 верасня я атрымала апавяшчэнне аб пачатку працэдуры анулявання права на жыхарства”,- паведаміла праваабаронца.
„Цэнтр прававой трансфармацыі” (Lawtrend) – некамэрцыйная структура, мэтай якой з’яўляецца павышэнне прававой культуры, а таксама арганізацыя асветніцкай, аналітычнай і даследчай дзейнасці ў галіне права.
Алена Танкачова ўжо больш за 15 гадоў займаецца праваабарончай дзейнасцю.
Яна паведаміла, што пакуль працэдура пазбаўлення яе права на жыхарства ў Беларусі знаходзіцца ў пачатковай стадыі.
Глядзіце таксама
