Алесь Астроўскі: Цяжка зразумець, чаму ў розных краінах розная сітуацыя па каронавірусе
Як даведацца праўду пра пагрозу каронавірусу? Ад праўдзівай інфармацыі можна будаваць тактыку паводзінаў чалавека. Адзіным аб’ектыўным прыкладам цячэння хваробы, выкліканай заражэннем вірусам, – гэта вынікі працякання каранціну на лайнеры „Дыямантавая прынцэса”.
Кажа прафесар Алесь Астроўскі:
– Многія не заразяцца, гэта трэба не забываць. Вы будзеце ў асяроддзі, дзе ўсе чхаюць і кашляюць, а вы не заразіцеся. І доля такіх афіцыйна каля 30%. А па Diamond Princess, аказваецца, што 80% не заразіцца. То бок, заразнасць нізкая. Лятальнасць. З 700 чалавек, якія заразіліся, памерлі 3 чалавекі. Паводле апошніх дадзеных. То бок, лятальнасць складае менш чым палову адсотка.
І гэта не 10%, не 11% смяротнасці ад каронавірусу, як падаюць з Італіі. Разам з тым Міністэрства аховы здароўя Нямеччыны паказвае, што колькасць лятальнага выніку сярод захварэўшых – каля 1%.
Кажа Алесь Астроўскі:
– І ўзнікае прынцыповае пытанне: дадзеныя па Італіі, дзе смяротнасць адзначаецца каля 11%, і дадзеныя Нямеччыны, дзе смяротнасць запісваецца менш аднаго адсотка, адрозніваюцца ў 12 разоў. Уражанне такое можа складацца, што ў 12 разоў горш працуе ахова здароўя ў Італіі. Але ў Італіі сярэдняя працягласць жыцця 83 гады, не меш чым у Нямеччыне, а гэта ключавы паказнік, што там ахова здароўя наладжана так як трэба. Значыць, штосьці тут, ужо відавочна, маніпуляцыі са статыстычнамі дадзенымі.
Па градыенту эпідэміялагічная сітуацыя ад Расеі праз Беларусь, на Захад – пагаршаецца. Гэта азначае, што ў Беларусі – не горшы стан па каронавірусе.
Якуб Сушынскі, Беларускае Радыё Рацыя
